საკოორდინაციო საბჭოს გადაწყვეტილებით, 15 სექტემბრიდან 4 ოქტომბრამდე სასწავლო პროცესი სკოლებში, უმაღლეს და პროფესიულ სასწავლებლებში დისტანციურ რეჟიმში დაიწყება. ამის შესახებ სხდომის დასრულების შემდეგ გამართლ ბრიფინგზე გახდა ცნობილი. 

“სასწავლო პროცესი სკოლებში 15 სექტემბრიდან 4 ოქტომბრამდე დისტანციურ რეჟიმში განახლდება, ანალოგიური რეგულაცია გავრცელდება უმაღლეს და პროფესიულ სასწავლებლებზე. 4 ოქტომბრამდე შეზღუდული დარჩება სააღმზრდელო დაწესებულებების მუშაობა და ეს ეხება, როგორც სახელმწიფო, ასევე კერძო ბაღებსაც.

უწყებათაშორისი საკოორდინაციო საბჭო მოქალაქეებს კიდევ ერთხელ მოუწოდებს, ეპიდემიოლოგიური ვითარების სტაბილიზაციის ტენდენციის მიუხედავად, კვლავ აქტიურად გამოიყენონ პირბადე როგორც დახურულ, ისე ღია სივრცეებში, დაიცვან სოციალური დისტანცია და აქტიურად ჩაერთონ ვაქცინაციის პროცესში”,- განაცხადა გიორგი ღიბრაძემ.